DÖVLƏTÇİLİYƏ SADİQ OLAQ!


Promo
İdman

“Olimpiakos” – “Neftçi” oyunu azarkeşlərlə keçiriləcək

1 dəqiqəyə oxunur
"Olimpiakos" - "Neftçi" oyunu azarkeşlərlə keçiriləcək 16 İyul 2021

Yunanıstanda “Olimpiakos” ilə “Neftçi” arasındakı UEFA Çempionlar Liqasının II təsnifat mərhələsinin ilk oyunu azarkeşlərlə keçiriləcək.

Bu barədə  Pirey təmsilçisinin Mətbuat xidmətinin rəhbəri Nikos Qavalas məlumat verib.

Onun sözlərinə görə, biletlər növbəti həftənin ilk günündən satışa çıxarılacaq: “Hələlik bilet sayı barədə dəqiq məlumat yoxdur. Düzdür, protokolda stadionun ümumi azarkeş tutumunun 80 faizi qədər göstərilib. Amma indiki məqamda dəqiq rəqəm deyə bilməyəcəyəm. Stadiona yalnız vaksin olunmuş şəxslər buraxılacaqlar”.

Qeyd edək ki, iyulun 21-də “Georgios Karaiskakis” stadionunda oynanılacaq qarşılaşma Bakı vaxtı ilə saat 23:00-da başlayacaq. Arenanın ümumi azarkeş tutumu 32 115 nəfərdir.