Xameneinin məktubunu Putinə çatdırmaq üçün Rusiyaya getdi

İranın xarici işlər naziri Seyid Abbas Əraqçi Rusiyanın yüksək rütbəli rəsmiləri ilə danışıqlar və məsləhətləşmələr aparmaq, eləcə də ali dini lider Ayətullah Əli Xameneinin Rusiya prezidenti Vladimir Putinə yazılı müraciətini çatdırmaq üçün Moskvaya gedib. Arazmedia.az xəbər verir ki, bu barədə “Tasnim” agentliyi məlumat yayıb.İran İslam Respublikasının xarici işlər nazirinin Rusiyaya əvvəlcədən planlaşdırılan səfəri Rusiya xarici işlər naziri Sergey Lavrovun dəvəti və iki ölkə arasında strateji tərəfdaşlar kimi davam edən məsləhətləşmələr çərçivəsində baş tutur.Səfər zamanı Əraqçi Rusiyanın yüksək rütbəli rəsmiləri ilə ikitərəfli münasibətlər, regional və beynəlxalq hadisələr, eləcə də ABŞ ilə son dolayı danışıqları müzakirə etməyi və fikir mübadiləsi aparmağı planlaşdırır.