Redaksiyamıza I Qrup Qarabağ əlili Faiq Firdovsi oğlu Quliyev insanın əsəblərini tarıma çəkən bir məktubla müraciət edib.
Məsələ ondan ibarətdir ki, 2006 – cı ildə, müharibə əlili kimi Binəqədi Bələdiyyəsi ona bir ərazidə 1 pay torpaq sahəsi ayırıb. Bələdiyyə o torpağın əkinə yararsız səhə olduğunu görüb, əlavə olaraq, 2 pay torpaq da verib. Yəni Faiq o torpaqları alanda, heç indiki bələdiyyə əməkdaşları orada işləmirdilər. Yəni o sənədə baxmağa heç mənəvi haqları da yoxdur.
İndi illər keçəndən sonra bir dələduz peyda olub ki, sonradan Faiqə verilən hər iki torpaq sahəsi “onundur”. F.Quliyev onun əlindəki sənədə baxıb görür ki, sənəd saxtadır. Heç saxta olmasa belə, 2007 ci- ildə verilib. Demək torpağın əsl sahibi Faiqdir. Çünki, Faiqə daha əvvəl 2006 cı ildə verilib torpaq.
İş ondadır ki, sanki Binəqədi Bələdiyyəsi, Faiqə qənim kəsilib. Onun erməniyə güllə atmağı onlara xoş gəlməyib. Məhz buna görə də, onu məqsədli şəkildə incidirlər. Onsuz da gərgin olan beynini yorurlar.
Bələdiyyənin bir əməkdaşı ondan “araşdırmaq” adı ilə torpaq sənədlərindən birini alıb və özünə qaytarmayıb. Və deyir ki, sənin sənədin “arxivə işlənməyib” bağışla.
Brada da, maraqlı suallar meydana çıxır. Məgər Faiq özü arxiv məsələsini həll etməli imiş? Bəs onda bələdiyyənin işi nədən ibarət olub?
Məgər onların işi təkcə torpaq alveridir?
İddialara görə, oxşar əməllərə görə bələdiyyə sədri və əməkdaşları DTX tərəfindən dindirilmiş, bir neçə saatdan sonra sərbəst buraxılmışlar.
Təbii ki. bu redaksiyanın şikayətçilərdən eşidərək, səsləndirdiyi bir iddiadır. Biz deyilənlərin şahidi olmamışıq.
Lakin inanmaq da istəyirik deyilənlərə.
Axı, əgər belə olmasaydı, həmin dələduz gündə bələdiyyədə olduğunu deməz, yanına 3-4 bələdiyyə işçisi salıb gəzməz, millətə xox gəlməzdi.
Görünən odur ki, bələdiyyə işçiləri müharibə əlilindən sənədləri nə yolla olursa-olsun alıb, sənədləri məhv edib, həmin torpağı “lotunun” adına, pul müqabilində sənədləşdirsinlər. “Lotu” sözünü təşbehlə, istehza ilə yazırıq…
“Araz Media” redaksiyası olaraq, üzümüzü Baş prokurorluğa, Ədliyyə Nazirliyinin Bələdiyyələrlə İş üzrə şöbəsinə, Daxili İşlər Nazirliyinə tutur və xahiş edirik ki, sözü gedən məsələ ilə maraqlansınlar.
İmkan verməsinlər ki, hansısa özünü lotu sayan, əslində isə dələduz olan şəxs və şəxslər, ərazi bütövlüyümüz uğrunda qızıl qanını tökmüş müharıbə əlilindən zorla halal torpağını alsınlar.
Məsələ layiqli həllini tapanacan onu gündəmdə saxlayacağıq.
Arazmedia.az