14-saylı peşə məktəbində “Şəhidlər ölməz” adlı anım tədbiri keçirilib

Hər il olduğu kimi, bu il də 14-saylı Bakı peşə məktəbində “Şəhidlər” Ölməz” adlı anım tədbiri baş tutdu.

Tədbirə Şəhid ailələri, Qarabağ müharibəsi veteranları, qaziləri, qəsəbə sakinləri, məktəbin müəllim və şagird kollektivi, Ələt qəsəbə bələdiyyəsi, Ələt qəsəbəsinin icra nümayəndəliyi və digər qonaqlarda iştirak ediblər.

Tədbir iştirakçıları əvvəlcə Azərbaycanın Dövlət Himni ilə tədbiri açıq elan etdilər.
Daha sonra tədbir iştirakçıları Şəhidlərin əziz xatirəsini bir dəqiqəlik sükutla yad etdilər, dualar oxudular.

Məktəbin direktoru Şakir Hüseynov Azərbaycanın şanlı tarixinə adını yazdıran igid oğlanlar barədə ağız dolusu danışaraq, Azərbaycanın igid oğlanları ilə fəxr etdiyini qeyd etdi.

Daha sonra çıxış edən məktəbin direktor müavini, Vətən müharibəsi iştirakçısı Nail Bayramov qeyd etdi ki,
tədbirin keçirilməsində məqsəd məktəblilərdə milli vətənpərvərlik ruhunun yüksəldilməsinə yardımçı olmaq, məktəbliləri Azərbaycanın qəhrəman oğulları haqqında ətraflı məlumatlandırmaq olub.

Şəhidlərin anım günü ilə bağlı keçirilmiş tədbirin gedişatında məktəblilərin ifasında müxtəlif vətənpərvərlik mövzusunda səhnəciklər, çıxışlar, mahnı və şeirlər nümayiş etdirilib.

Hacıağa Qayıbov