Yanvar ayının son iş həftəsində Bakı Nəqliyyat Agentliyi şəhər nəqliyyatının müxtəlif istiqamətləri üzrə bir sıra tədbirlər həyata keçirib. Həftə ərazində Agentliyin layihəsi əsasında Nərimanov rayonu Ə.orucəliyev küçəsində yenidənqurma işləri yekunlaşıb. Nəticədə, küçənin buraxıcılıq qabiliyyəti və əlçatanlıq səviyyəsi artırılıb. Heydər Əliyev prospektindən Təbriz küçəsi istiqamətində hərəkət birtərəfli təşkil edilib.
BNA-dan Arazmedia.az-a verilən məlumata görə, Nizami rayonu B.Nuriyev və E.Süleymanov küçələrinin kəsişməsində svetoforun vaxt planında dəyişiklik edirilərək nəqliyyat axınına uyğunlaşdırılıb. Bunun sayəsində yol şəriati yaxşılaşdırılıb və hərəkət təhlükəsizliyi səviyyəsi artırılıb.
Yol iştirakçılarının rahat və təhlükəsiz hərəkətini təmin etmək məqsədilə daha 33 küçə və prospektdə 200-ə yaxın yol nişanı quraşdılıb. 2 küçədə isə təhlükəsizlik tumbası qoyulub. Piyadaların iştirakı ilə yaranan yol nəqliyyat hadisələrinin başvermə riskini azaltmaq üçün 12 küçə və prospktdə piyada zolaqları yenilənib. 8-ində isə yeni piyada zolağı təşkil edilib.
