Azərbaycanın mədəniyyət naziri çərşənbə axşamı bildirib ki, Azərbaycan Türkiyənin kino sənayesindəki təcrübəsindən yararlanmaq istəyir.
Arazmedia.Az Türkiyə mətbuatına istinadən xəbər verir ki, İlin yekunlarının qiymətləndirilməsi toplantısında çıxış edən Anar Kərimov bildirib ki, 2022-ci ildə Türkiyə-Azərbaycan filmlərinin birgə istehsalı gündəmdə olacaq.
‘Filmlərin birgə istehsalını planlaşdırırıq. Türkiyənin təcrübəsini nəzərə almalıyıq. Türkiyə kino sektorunda qısa müddətdə böyük irəliləyiş və uğurlar əldə edib’, – o əlavə edib.
Anar Kərimov
O, qeyd edib ki, azərbaycanlı rejissor və aktyorlar türk rejissorları və aktyorları qədər yaxşıdır.
Bununla belə, hələlik konkret layihələrdən danışmağın tez olduğunu bildirərək:
‘Biz Türkiyə ilə birlikdə filmlər çəkməyi çox istərdik. Bu, həm də həmin filmlərin Netflix-də yayımlanmasına xidmət edəcək’.
Anar Kərimov
“Şuşa türk dünyasının mədəniyyət paytaxtı olacaq”
‘Şuşa 2023-cü ildə ‘Türk dünyasının mədəniyyət paytaxtı’ elan olunacaq. Şəhər 2023-cü ildə turist qəbul etməyə tam hazır olacaq’, – Kərimov bildirib.
Şəhərdə aparılan yenidənqurma və bərpa işlərinə gəlincə, o bildirib ki, hazırda üç məscid və iki kilsə bərpa olunur.
Azərbaycanın mədəni və tarixi paytaxtı olan Şuşa 28 illik erməni işğalından sonra ötən ilin payızında azad edilib.