![](https://i0.wp.com/arazmedia.az/wp-content/uploads/2021/12/1639045770_9bc9a6ed-fded-3614-a8d0-1de3b23d70dc_824.jpg?resize=640%2C361&ssl=1)
Lerikdə dağ-meşə ərazisində yanğın olub.
Bu barədə Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, rayonun Brkandul kəndi yaxınlığında dağ-meşə ərazisində təqribən 1 ha sahədə xəzəl və qurumuş ağac kötükləri yanıb. Ərazinin qalan hissəsi yanğından mühafizə olunub.
Yanğın FHN-in yanğından mühafizə bölmələri və Ekologiya və Təbii Sərvətlər Nazirliyinin Meşə Təsərrüfatı Mərkəzinin əməkdaşları tərəfindən söndürülüb.