Elnur Rzayevin bu hərəkəti vətəndaşlar tərəfindən rəğbətlə qarşılandı

Bu gün günorta saatlarında Xaçmaz rayonunda bir nəfərin yüngül xəsarət alması ilə nəticələnən avto-nəqliyyat hadisəsi baş vermişdir.
Hadisə yerinə gələn Təcili Tibbi Yardım maşını qəza zamanı avtomobillərin birində olan qadına ilkin tibbi yardım göstərirdi.

Arazmedia.az xəbər verir ki, bu zaman kənddən şəhid ailələrini ziyarət edib qayıdan Xaçmaz rayon Icra Hakimiyyətinin başçısı cənab Elnur Rzayev hadisə yerinin yanından keçərək bu hadisəyə biganə qalmayaraq, avtomobilini saxlayıb qəza yerinə yaxınlaşıb.

Qəzaya düşənlərin vəziyyəti ilə maraqlanıb, öz köməyini təklif edib.
Elnur Rzayevin bu hümanist hərəkəti hadisə yerində olan vətəndaşlar tərəfindən rəğbətlə qarşılanıb.

Bildirilib ki, bunu etmək hər vətəndaşın insanlıq borcudur lakin bu günümüzdə heç də bütün mənurlardan bu səmimiyyəti görmürük deyə vətəndaşlar tərəfindən qeyd edilib.