“Barselona”nın müdafiəsində oynayan futbolçu Emerson “Tottenhem”ə keçib.
Arazmedia.az xəbər verir ki, bu barədə Kataloniya klubunun rəsmi saytı məlumat yayıb. “Tottenhem” 22 yaşlı müdafiəçi üçün İspaniya klubuna 25 milyon avro ödəyib.
Braziliyalı oyunçu yeni klubu ilə 5 illik müqavilə imzalayıb. O, ilinə 3 milyon avro maaş alacaq.
Qeyd edək ki, Emerson 2019-cu ilin yanvarında “Atletiko Mineyro”dan “Barselona”ya keçmişdi.