ABŞ-ın nüfuzlu “Forbes” jurnalı 37-ci dəfə “Milyarderlərin siyahısı”nı yayımlayıb.
Arazmedia.az xəbər verir ki, bundan əvvəl dərc edilən siyahı ilə müqayisədə milyarderlərin sayı 28 nəfər azalıb və 2640 nəfərə çatıb.
Siyahıya LVMH qrupunun (“Christian Dior”, “Louis Vuitton”, “Moet & Chandon” brendləri) sahibi Bernar Arno başçılıq edir. Sahibkarın və ailəsinin sərvəti 211 milyard dollar (əvvəlki ildə 158 milyard) qiymətləndirilir. 2022-ci ildə böhrandan sonra fransız iş adamı siyahıda kapitalı 200 milyard dolları keçən yeganə milyarder olub.
İkinci yerdə ötənilki reytinqin lideri, 180 milyard dollar sərvəti ilə “Tesla” şirkətinin rəhbəri və “SpaceX”in yaradıcısı İlon Mask qərarlaşıb. İl ərzində səhmlərin azalması və faizlərin artması səbəbindən Mask təxminən 40 milyard dollar itirib.
Siyahıda üçüncü yerdə “Amazon”un qurucusu Ceff Bezos qərarlaşıb. Onun sərvəti 2021-ci ildəki 171 milyard dollardan 2022-ci ildə 114 milyard dollara düşüb.
