Çinin cənubundakı Guangxi Zhuang Muxtar Bölgəsində baş verən 5,2 bal gücündə zəlzələdən sonra 7000-dən çox insan təxliyə edilib.
Arazmedia.az xarici mətbuata istinadən xəbər verir ki, təbii fəlakət nəticəsində üç nəfər itkin düşüb. Daha dörd nəfər xəstəxanaya yerləşdirilib.
Zəlzələ ən azı 13 yaşayış binasına ciddi ziyan vurub. Hadisə yerində axtarış-xilasetmə işləri davam edir. Çin Zəlzələ Administrasiyası 3-cü səviyyəli təcili yardım tədbirləri elan edib.
Zəlzələnin episentri 4 milyondan çox insanın yaşadığı Liuzhou şəhərinin Liunan rayonunda olub. Zəlzələnin episentri 8 km dərinlikdə yerləşib.