İranda rejim dəyişikliyinin tezləşdirilməsini istəyir

İranın devrilmiş şahının oğlu, vəliəhd Rza Pəhləvi İrana müdaxilə edərək insanların həyatını xilas etməyə çağırıb. 

Arazmedia.az xəbər verir ki, Pəhləvi Fox News-a verdiyi müsahibəsində deyib:

“İran xalqının arzusu çox sadədir. Onlar azadlıq istəyirlər. Düşünürəm ki, Tramp rejim dəyişikliyinin həll yolu ola biləcəyini deyəndə bunu başa düşüb. Biz uzun müddətdir bunu tələb edirik. Trampın sözlərinə əlavə etmək istədiyim tək şey odur ki, o, rejimin danışmağa davam etdiyini deyəndə, eyni zamanda daim öldürdüyünü, öldürdüyünü, öldürdüyünü bilməlidir.

Qətl heç vaxt dayanmır. Hazırda İranda insanlar edam olunur. İnsanlar həbs olunur və işgəncələrə məruz qalır və bu proses davam edir. Buna görə də müdaxilə zəruridir, çünki həm ölkə daxilində, həm də xaricində iranlıların ilk istəyi köməkdir. Bu, əks halda itiriləcək insanların həyatını xilas etmək üçün edilən humanitar müdaxilədir və bu, onun nə qədər vacib və həyati olduğunu göstərir. Rejim sadəcə heç vaxt nəticə verməyəcək danışıqlarla vaxt itirərkən, İran xalqı həyat itirir”.