ABŞ Prezidenti Donald Tramp prezident təyyarəsində jurnalistlərlə söhbəti zamanı koqnitiv testdən əla nəticə ilə keçdiyini açıqlayıb.
Arazmedia.az xarici KİV-ə istinadən xəbər verir ki, bunun fonunda Tramp media nümayəndələrinə onların koqnitiv testdən keçə bilməyəcəyini deyib.“Mən koqnitiv testdən möhtəşəm nəticə ilə keçdim. Qiymətim əladır. Siz bacarmazdınız. Siz də, siz də”, – deyə Tramp jurnalistlərə müraciət edib.Avqustun 5-də “The Guardian” Trampın ictimai çıxışlarının onun koqnitiv qabiliyyətlərində zəifləmə əlamətləri göstərdiyini yazmışdı. Nəşrin iddiasına görə, ABŞ prezidenti çıxışlarında tez-tez fikrini yayındırır, mövzudan-mövzuya keçir və ardıcıl nitq qurmaqda çətinlik çəkir.
