Ağ Ev saxta xəbərlər yazan KİV-ləri belə cəzalandırdı

Tramp administrasiyası saxta xəbərlər yayan media orqanları üçün virtual “utanc divarı” yaradılıb.

Arazmedia.az xəbər verir ki, bu barədə Ağ Evin mətbuat katibi Karolin Levitt məlumat yayıb. “Tramp administrasiyası insanları saxta xəbərlərə görə əvvəllər heç vaxt olmadığı kimi məsuliyyətə cəlb edir”, – deyə administrasiya sözçüsü “X”da yazıb.Belə ki, Ağ Evin saytında yeni bölmə yaranıb.

O, administrasiyanın yalan və aldadıcı hesab etdiyi jurnalistlərin və nəşrlərin siyahısını verir. Xüsusilə, bölmədə “The Washington Post”, “Axios” və CNN var.Bundan əvvəl Levitt Britaniya Yayım Korporasiyasının (BBC) saxta xəbərlər təşkilatı olduğunu iddia edib. Ağ Evin mətbuat katibi əlavə edib ki, şirkət Trampın fəaliyyəti ilə bağlı yalanlar yayır.İyun ayında ABŞ prezidenti MSNBC və CNN kanallarını “zibil” adlandırıb və onları saxta xəbərlər yaymaqda ittiham edib.