Ələt qəsəbəsində fəaliyyət göstərən 14 saylı Bakı Peşə Məktəbində Vətənimizin şanlı tarixini, igid oğullarımızın qanı və canı bahasına yazdığı qürur dolu səhifələri anmaq məqsədilə “Qanla Yazılan Zəfər” adlı möhtəşəm tədbir keçirilib.
Tədbiri giriş sözü ilə açan məktəbin direktoru, 44 günlük Vətən müharibəsinin canlı iştirakçısı Nail Bayramov, çıxışı zamanı şəhidlərimizin əziz xatirəsini ehtiramla yad edib. O, torpaq uğrunda canından keçən igidlərin qəhrəmanlığını, onların mərdliyini və xalqımızın mübarizə ruhunu xüsusi vurğulayıb. Nail Bayramov qeyd edib ki, bu Zəfər — Ali Baş Komandan, Müzəffər Ordumuzun və xalqımızın birliyinin, qətiyyətinin simvoludur.
O, çıxışında Prezident, Ali Baş Komandan İlham Əliyevin dəmir yumruq kimi birləşən xalqın rəhbəri olaraq göstərdiyi qətiyyətli siyasətin, ordumuzun əzmini və milli birliyimizin gücünü tədbir iştirakçılarının diqqətinə çatdırıb.
Tədbir zamanı məktəb kollektivinin hazırladığı vətənpərvər ifalar, şeirlər və səhnəciklər izləyicilərə dərin duyğular yaşadıb. Şəhidlərin ruhuna həsr olunan hər bir çıxış salondakı hər kəsin qəlbində qürur, fəxarət və eyni zamanda həsrət hissi oyadıb.Bu tədbir bir daha sübut etdi ki, Qarabağ Zəfəri təkcə hərbi qələbə deyil, həm də xalqımızın birliyinin, mərdliyinin və milli kimliyinin simvoludur.Şəhidlərimizin ruhu qarşısında baş əyir, qazilərimizə sağlıq və uzun ömür arzulayırıq. Qanla yazılan bu Zəfər — əslində azadlığımızın, şərəfimizin və gələcəyimizin təməlidir! 🇦🇿
Arazmedia.az
