Bundesliqanın 20-ci turuna “Ayntraxt Frankfurt” – “Volfsburq” və “Bayer Leverkuzen” – “Hoffenhaym” görüşləri ilə yekun vurulub. Arazmedia.az xəbər verir ki, ilk görüşdə komandalar hərəyə bir dəfə fərqlənib – 1:1. Digər görüşdə isə “Bayer Leverkuzen” 3:1 hesabı ilə qalib gəlib.Turun əvvəlki görüşlərində aşağıdakı nəticələr qeydə alınıb:“Verder Bremen” – “Maynts” – 1:0.“Ştutqart” – “Borussiya Münxenqladbax” – 1:2;“Bavariya” – “Holştayn Kiel” – 4:3;“Haydenhaym” – “Borussiya Dortmund” – 1:2;“Boxum” – “Frayburq” – 0:1;“St Pauli” – “Auqsburq” – 1:1;“Union Berlin” – “Leyptsiq” – 0:0.Bundesliqaya 20 turdan sonra 51 xalla “Bavariya” liderlik edir. Münxenliləri 45 xalla “Bayer Leverkuzen” izləyir. Bu turda xal itirməsi “Ayntraxt Frankfurt”un mövqeyinə təsir etməyib. Komanda 38 xalla mövqeyini qoruyub. Son dörd oyunda qalib gələ bilməyən “Leyptsiq” 33 xalla dördüncü, ardıcıl ikinci məğlubiyyətini alan “Ştutqart” 32 xalla beşinci yerdədir. “Maynts” 31 xalla altıncı, aktivlərində 30 xal olan “Borussiya Münxenqladbax”, “Verder Bremen” və “Frayburq” sonrakı üç pillədə qərarlaşıb. Eyni xala (29) malik “Volfsburq” 10-cu, “Borussiya Dortmund” 11-ci sırada yer alıb. Sonrakı yerləri “Auqsburq” (26), “St Pauli” (21), “Union Berlin” (21), “Hoffenhaym” (18), “Haydenhaym” (14), “Holştayn Kiel” (12) və “Boxum” (10) tutur.Bundesliqanın 21-ci turunun görüşləri fevralın 7-9-da keçiriləcək.