Tramp sui-qəsd zamanı onun həyatını xilas edən şəxsə vəzifə verdi

ABŞ prezidenti Donald Tramp Pensilvaniyada sui-qəsd zamanı onu müdafiə edən Şon Kurranı Məxfi Xidmətin yeni direktoru təyin edib. Arazmedia.az xəbər verir ki, bu barədə Ağ Ev rəhbəri “Truth Social” sosial şəbəkəsindəki səhifəsində məlumat verib.”O, Pensilvaniya ştatının Butler şəhərində məni ölümdən xilas etmək üçün öz həyatını riskə ataraq cəsarətini sübut etdi”, – Tramp ifadə edib. ABŞ prezidenti Kurranın son bir neçə ildə ailəsini qoruduğunu vurğulayıb.Yanvarın 20-də 78 yaşlı respublikaçı Donald Tramp and içərək rəsmi olaraq ABŞ-nin 47-ci prezidenti olub.Qeyd edək ki, 13 iyul 2024-cü ildə Pensilvaniyada seçki kampaniyası zamanı atışma baş verib, nəticədə Tramp sağ qulağından yaralanıb. Qulağı qanlı olan siyasətçi səhnədən çıxarılaraq xəstəxanaya yerləşdirilib. Trampa atəş açan şəxs isə 20 yaşlı Tomas Metyu Kruks olub.