Əsasən qərbdən olan bəzi dırnaqarası diplomatlar, sözü bir yerə qoyaraq “tamaşa” hazırlayıblar.
Şou senarisinə görə, guya Azərbaycanda “jurnalistlər, siyasi xadimlər” həbs edilir, və sair bu kimi uydurmalardan, utopiyalardan bəhs edilir.
Halbuki Azərbaycanda heç vaxt belə bir buna bənzər hadisə də baş verməyib. Bu “şirin” Qərb nağılından başqa bir şey deyil.
Doğrudur, zaman-zaman söyüş müxalifəti belə dezinformasiyaları sosial şəbəkələrdə, onların xarici seqmentlərində yayıbar. Çalışıblar ki, guya gündəm yaratsınlar.
Bədxah müxalixfət bu əsnada rezonans yarada bilməsələr də, baxış sayı toplaya bilirlər.
Bəs niiyə heç olmasa, tək baxış sayı ilə kifayətlənir onlar? Axı, bu onların hansı işlərinə yarayır? Bax, elə əsas məsələ də məhz budur.
Onlar Avropada, Amerikada hüquqları “pozulan” şəxslər kimi soroslardan beş, on manat qrant alırlar. Həmin qrantlar əslində o qədər azdır ki, öz vətənlərində vicdanla fəhlə işləsələr, oralara “pul iyinə” gedib, vətənlərini pisləməkdən qat-qat yaxşıdır.
Azərbaycanda yaxşı bir məsəl var. Kabab iyinə gedir görür ki, “eşşək” dağlayırlar.
Digər tərəfdən ara qarışdıran həmin diplomatlar öz ölkələrinə çatdırmaq istəyirlər ki, “biz olmasaq, Cənubi Qafqazda sabitlik pozular, insan hüquqları pozular, ara qarışar” və sairə.
Əslində elə bizim azğın söyüş müxalifətini məhz onlar yetişdirib, üstümüzə salırlar.
Məhz onların diktəsiylə ölkəmizə qarşı qarayaxma kampaniyası aparılır.
Əslində paradoks çoxdur bu qarayaxmada.
Azərbaycanda guya “jurnalistlər” həbs olunur.
Sizə tam səmimiyyətimlə deyirəm ki, saxlanılan həmin şəxslər nəinki jurnalist deyillər, əksinə sıravi insanlar, hansısa cinayətkar qrupların üzvləridir.
Həbs motivləri də elə bundan xəbər verir.
Şantaj, ayrı-ayrı şəxslərdən pul tələb etmə, guya əllərindəki intim videoları yaymaq və bu kimi oxşar çoxlu qanunazidd əməllər.
Yəni, belə adamların qanuni şəkildə həbs edilməsinə görə, Azərbaycanın adının əsassız hallandırılması, həm də xarici diplomatların əli ilə qətiyyən etik deyil.
Fariz Quliyev
“Araz Media” Qrupunun Baş redaktoru