Birləşmiş Ştatlar Yaxın Şərqdəki Amerika bazalarından birinə son rezonanslı hücuma cavab olaraq İraq və Suriyadakı İran hədəflərinə və hərbi qüvvələrinə zərbələr endirmək planlarını təsdiqləyib .
Arazmedia.az xəbər verir ki, zərbələrin “bir neçə gün ərzində” həyata keçirilməsi planlaşdırılır və onların hədəfi iki ərəb ölkəsinin ərazisində “İran obyektləri və hərbi personalı” olacaq.
Mənbələrə görə, hücumların həyata keçirilməsində müəyyənedici amil hava şəraiti olacaq.
ABŞ pis hava şəraitində zərbələr endirmək imkanına malikdir, lakin mülki əhali arasında itkilərin qarşısını almaq üçün bunu yaxşı görünmə şəraitində etməyə üstünlük verir.
Xatırladaq ki, ABŞ Silahlı Qüvvələrinin mərkəzi komandanlığının məlumatına görə, yanvarın 28-də İordaniyanın şimal-şərqindəki Amerika bazasına hücum edilib. Komandanlıq üç ABŞ hərbçisinin öldüyünü, Pentaqon isə 40-dan çox insanın yaralandığını qeyd edib. Amerikalılar İordaniyanın Suriya ilə sərhədindəki hərbi obyektə basqın etməkdə İrana bağlı bölgədəki qrupları günahlandırıblar. Ağ Ev Yaxın Şərqdəki hərbçilərinə qarşı hücuma cavab verəcəyini vəd edib.