“Bəzi məktəblərdən valideynlərə xəbər göndərilib. Zəlzələnin daha böyük bir dalğası olacağı ehtimalı ilə şagirdləri evə göndərirlər”.
Bu barədə Elyar İslamoğlu sosial şəbəkədə paylaşım edib.
Bakıvaxtı.az məsələ ilə bağlı Təhsil Nazirliyinə sorğu göndərib.
Nazirlikdən sorğumuza cavab olaraq bildirilib ki, bu haqda məlumat daxil olmayıb
Valideynlər isə bunun əlsini söyləyirlər. Onlar övladlarının zəlzələ qorxusu ilə əlaqədar olaraq evə göndərildiyini bildirirlər.
Qeyd edək ki, bu gün yerli vaxtla saat 08:16-da Xəzər dənizində maqnitidası 5.6 olan zəlzələ baş verib.
AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosundan bildirilib ki, zəlzələ Xəzər dənizinə yaxın olan rayonlarda və Abşeron yarımadasında bəzi yerlərdə 5 bal, bəzi yerlərdə isə 3 bala qədər hiss olunub.
Zəlzələ ocağının dərinliyi 68 km olub..
Yeraltı təkanın episentri Siyəzən stansiyasından 60 km şərqdə Xəzər dənizində olub.