Mil-Muğan Regional Təhsil İdarəsi ŞƏHİD adından sui-istifadə edir-İddia
1 dəqiqəyə oxunur
Share
Redaksiyamıza Beyləqan rayonu, Dünyamalılar kəndində yaşayan Bilalzadə Afaq Əli qızı çox ilginc məktubla müraciət etmişdir.
O, bildirir ki, ali təhsilli müəllimdir. Buna baxmayaraq, Dünyamalılar kəndində Əlibala Şirinov adına 1 saylı tam orta məktəbdə “dalandar” işləyir. Artıq bir müddətdir ki, məktəbdə Uşaq Birliyinin Rəhbəri statı boşdur. Afaq xanım müvafiq müsabiqədən də keçib.
Lakin müəlliməyə həmin yerə keçməsinə hər dəfə süni əngəllər yaradılır. İndi da bir xanım gətiriblər ki, guya bu UBR-nin yeni rəhbəridir.
Üstəgəl guya Şəhid ailəsidir. Lakin Afaq xanımın dediklərinə görə, nəinki o ailədə Şəhid, heç müharibə iştirakçısı da yoxdur.
Deməli, ya direktor, ta Beyləqan Təhsil Sektoru, ya da Mil-Muğan Təhsil İdarəsi cəmiyyəti və Elm və Təhsil Nazirliyini aldadır. İlahi, görəsən o vəzifənin şirinliyi neçədir? Ya hansı məmur tapşırıb ki, Şəhid adıyla oynayırlar? Görəsən, Elm və Təhsil nazirinin bu oyunlardan xəbəri varmı?
Ali təhsilli müəllimi dalandar kimi işlətmək, hər şeydən başqa sadəcə ayıbdır…
Bu barədə uzun-uzadı yazmaq istəmirik. Yəqin ki, hörmətli cənab nazir Emin Əmirullayev bu haqda fikirləşər.
