Rusiya prezidenti Vladimir Putin “Vaqner” ÇVK–nın rəhbəri Yevgeni Priqojin ətrafında cərəyan edən vəziyyətdən xəbərdardır.
Arazmedia.az xəbər verir ki, bunu Kremlin sözçüsü Dmitri Peskov bildirib.
O qeyd edib ki, bütün lazımi tədbirlər görülür.
Qeyd edək ki, Priqojin Müdafiə Nazirliyini Vaqner ÇVK-nın düşərgələrinə raket zərbəsi endirməkdə günahlandırıb. O, müdafiə naziri Sergey Şoyqunun ÇVK-nın arxa cəbhədəki düşərgələrinə zərbə endirmək üçün Rostova gəldiyini açıqlayıb.
Rusiya MN isə Priqojinin iddiarını təkzib edərək, həmin bəyanatı yalan və təxribat adlandırıb.
Priqojin isə buna cavab olaraq 25 min nəfərlik qoşunla Moskvaya doğru hərəkət etdiyini bəyan edib. Sosial şəbəkələrin Rusiya seqmentində Priqojinin hərəkətini hərbi çevrilişə cəhd kimi qiymətləndiriblər.