14 aprel 2023-cü il tarixdə İrəvanda keçirilən ağırlıqqaldırma üzrə Avropa çempionatının açılış mərasimində Azərbaycan bayrağı yandırılıb.
Arazmedia.az xəbər verir ki, “İnsan Hüquqları İnkişafı və Maarifləndirmə Mərkəzi” İctimai Birliyi bu barədə məlumat yayıb.
Ermənistan tərəfinin Azərbaycana qarşı növbəti təxribatı kimi ölkəmizə qarşı nifrət hissi olaraq, dövlət bayrağımıza qarşı bu xoşagəlməz cinayəti kəskin şəkildə pisləyərək etiraz edirik.
Ermənistan məhz bu vandal davranışı ilə bir daha dünya ictimaiyyətinə qarşı hörmətsizlik nümayiş etdirməklə öz iç üzünü açıq şəkildə göstərmişdir.
Bu hərəkət təkcə Azərbaycan Respublikasına qarşı deyil, bütövlükdə bütün sivil dövlətlərə və xalqlara ünvanlanmış bir mesajdır.
Çox təəsüf ki, hələ də dünyaya özlərini yazıq, soyqırıma məruz qalmış xalq kimi təqdim edən ermənilərin əsl üzlərini görüb olduqları kimi qiymətləndirmək əvəzinə, hələ dünya birliyi bu cür haqsızlığa dözür, səbr edir.
Vaxtında bu cür halların qarşısı alınmazsa gələcəkdə daha ağır nəticələrə səbəb olan hadisələr qaçılmaz olacaq.
Tələb edirik ki, Ermənistanın beynəlxalq yarışların və turnirlərin keçirilməsi ilə bağlı bütün hüquqlarına veto qoyulsun.
Azərbaycan bayrağını yandıran Aram Nikolyan ən sərt şəkildə cəzalandırılsın.
Rəsmi şəkildə Ermənistan Azərbaycan dövlətindən və xalqından üzr istəsin.