NATO-nun hərbi təlimləri ilə əlaqədar iyunun 12-dən 23-dək Almaniyada hava məkanı qismən bağlanacaq.
Arazmedia.az xəbər verir ki, bu barədə Almaniya Federal Aviasiya Sənayesi Assosiasiyasının baş direktoru Matthias von Randow bildirib.
“NATO və Hərbi Hava Qüvvələrinin hazırkı planlarına əsasən, Almaniyanın hava məkanı qismən bağlanacaq”, – Randov bildirib.
O, sərnişinlərin hava nəqliyyatında problemlərlə üzləşəcəyini də qeyd edib. Bununla belə, onun sözlərinə görə, Air Defender təlimlərinin tıxaclı hava məkanına təsiri azaldılmalıdır.
Bundan əvvəl bildirilib ki, NATO ölkələrinin silahlı qüvvələri martın 30-da Rumıniya Hərbi Dəniz Qüvvələrinin rəhbərliyi altında Dunay deltasında dəniz və hava təlimləri keçirir. Manevrlər Dunay çayının Qara dənizə qovuşduğu yerin yaxınlığında, eləcə də Rumıniyanın Moldova və Ukrayna ilə sərhədi yaxınlığındakı Mahmudiya ərazisində keçirilir. Təlim martın 20-dən aprelin 2-dək davam edəcək Dəniz Qalxanı 2023 seriyasının bir hissəsidir.
Bundan əvvəl xəbər verilmişdi ki, Böyük Britaniya və Rumıniya yenilənmiş bəyannamə imzalayıblar, ona əsasən, ölkələr NATO çərçivəsində şərq cinahda və Qara dəniz regionunda əməkdaşlığı gücləndirəcəklər. Ölkələr həmçinin müdafiə sahəsində tədqiqatlar, hərbi potensialın inkişafı və silahlı qüvvələr arasında qarşılıqlı fəaliyyət sahəsində birgə işləmək barədə razılığa gəliblər.
