Aİ Türkiyə və Suriya üçün ianə konfransı KEÇİRƏCƏK

Avropa Birliyinin müddətli prezidenti olan İsveç xarici işlər naziri zəlzələ üçün beynəlxalq ictimaiyyətdən ianələrin toplanması üçün konfrans keçiriləcəyini açıqlayıb.

Arazmedia.az xəbər verir ki, Belçikanın paytaxtı Brüsseldə keçiriləcək konfrans martın 16-da baş tutacaq.

İsveç xarici işlər naziri Tobias Billström konfransda yüksək iştirak gözləyir.

İclasda iştirak edən Yunanıstanın xarici işlər naziri Nikos Dendias da zəlzələ bölgəsinə səfəri ilə bağlı digər nazirləri məlumatlandırıb və Türkiyəyə yardım çağırışlarını davam etdirib.Kömək əli uzadan başqa bir qurum NATO olub. Sosial şəbəkələrdə Türkiyəyə 600 müvəqqəti yaşayış yerinin göndərildiyi açıqlanıb. NATO Türkiyəyə ümumilikdə 1000 konteyner göndərəcək. Məqsəd azı 4 min insanı müvəqqəti sığınacaqla təmin etməkdir.