Türkiyə bir sıra ölkələrin konsulluqlarının bağlanmasına fevralın 6-da cavab verəcək

“Türkiyə hökuməti fevralın 6-da bir sıra Qərb ölkələrinin oradakı konsulluqlarının bağlanması ilə bağlı cavab tədbirləri ilə bağlı qərar verəcək”.

Arazmedia.az xəbər verir ki, bu barədə Türkiyə prezidenti Rəcəb Tayyib Ərdoğan Aydın şəhərində gənclərlə söhbəti zamanı deyib. 

“Xarici işlər nazirimiz bundan əvvəl bu ölkələrin bütün səfirlərini çağırmışdı. Onlara ultimatum verildi ki, ya bu cür hərəkətlərini dayandıracaqlar, ya da qiymət yüksək olacaq. Bazar ertəsi Nazirlər Kabinetinin iclasımız var. Biz orada lazımi qərarları verəcəyik”, – deyə prezident bildirib.

Bundan əvvəl Türkiyənin xarici işlər naziri Mövlud Çavuşoğlu argentinalı həmkarı Santiaqo Kafiero ilə  İstanbulda keçirdiyi birgə mətbuat konfransında İstanbuldakı konsulluqlarını bağlayan Qərb ölkələrini “müttəfiq və dost adlandırmaq çətindir” demişdi .

Türkiyəli diplomat bildirib ki, qərbli tərəfdaşların davranışı müttəfiq kimi görünmür, çünki bu, ölkədə seçkilər ərəfəsində gərginliyi artırır.