Bu gün Qaradağ Rayon İcra Hakimiyyətinin təşəbbüsü ilə Ələt qəsəbəsində yeni il bayramı tədbiri keçirilib.
Arazmedia.az xəbər verir ki, icra hakimiyyəti nümayəndələrinin və bələdiyyə sədrinin də iştirak etdiyi tədbir daha çox uşaqların bayram adətləri ilə bağlı müxtəlif səhnəcikləri, rəqsləri ilə yadda qalıb.
Səhnəciklərin, xalq mahnılarının nümayiş olunduğu tədbirə şaxta baba və qar qızı da qatılıb.
Tədbirin sonlarında çıxış edən Ələt Bələdiyyə sədri Azad Musayev və Ələt qəsəbəsinin icra nümayəndəsi Altay Əliyev Azərbaycan xalqını və qəsəbə sakinlərini yeni il bayramı münasibətilə təbrik etmiş, onlara ən xoş arzularını çatdırmışdır.
Biz də öz növbəmizdə yüksək təşkilatçılığa görə Ələt bələdiyyəsinə, Ələt icra nümayəndəliyinə xüsusi olaraq hamımızın və ən əsası uşaqların sevimlisi olan Naidə müəlliməyə təşəkkür edirik.