Aİ bir daha İrəvan və Bakını ritorikasını mülayimləşdirməyə və gərginliyin hər hansı lüzumsuz artmasına yol verməməyə çağırır.
Arazmedia.az xəbər verir ki, bu barədə Aİ Xarici İşlər Xidmətinin bəyanatında deyilir.
“Bu həftə Dağlıq Qarabağ münaqişəsi zonasında 44 günlük müharibənin başa çatmasının ikinci ildönümüdür. Bu münasibətlə Aİ son 30 ildə münaqişənin bütün erməni və azərbaycanlı qurbanlarını xatırlayır. Bu çətin mirası tam dərk edərək, o, hər iki tərəfi düşmənçilik səhifəsini çevirməyə və daha çox lazımsız insan itkisi və zərərin qarşısını almaq üçün barışıq səylərini davam etdirməyə çağırır.
Aİ Ermənistan və Azərbaycan rəhbərliyinin fikir ayrılıqlarını aradan qaldırmaq və regionda davamlı sülhə nail olmaq üçün atdığı çoxsaylı addımları alqışlayır. Aİ onların müxtəlif səviyyələrdə və müxtəlif formatlarda davam edən danışıqlarda davamlı iştirakını yüksək qiymətləndirir. Baxmayaraq ki, bu danışıqlar mürəkkəb olacaq və vaxt aparacaq, sürəti qorumaq, irəliyə doğru konkret addımları razılaşdırmaq və bütün region xalqlarının rifahı naminə təhlükəsiz və firavan mühiti təmin etmək vacibdir.
Son 30 ilin yaralarının sağalmaqdan uzaq olduğu hələ də qeyri-sabit bir mühitdə Aİ bir daha tərəfləri ritorikalarını mülayimləşdirməyə və bir-birini və hərbi qüvvələri təhdid etməkdən və ya günahlandırmaqdan çəkinməklə, hər hansı lazımsız gərginlikdən qaçmağa çağırır.
Aİ hər iki tərəfin istəklərinə fəal şəkildə cavab verməkdə davam edəcək və Avropa İttifaqı Şurasının prezidenti Çarlz Mişelin, Ali Nümayəndə Cozep Borrelin şəxsi səyləri də daxil olmaqla, bütün həll edilməmiş məsələlərin hərtərəfli və ədalətli həlli istiqamətində işlərində onlara dəstək göstərəcək. Aİ-nin xüsusi nümayəndəsi Toivo Klaar, eləcə də Aİ-nin digər mexanizmləri”, – bəyanatda deyilir.