Sloveniyada prezident seçkilərində ikinci tur keçiriləcək

Sloveniyada keçirilmiş prezident seçkilərinin qalibi ikinci turun yekun nəticələrinə əsasən müəyyənləşəcək.

Arazmedia.az xəbər verir ki, ilk turda keçmiş xarici işlər naziri və Sloveniya Demokratik Partiyasının dəstəklədiyi namizəd Anje Loqar qalib gəlib. O, seçicilərin 34 faizinin səsini qazanıb və noyabrın 13-də keçiriləcək prezident seçkilərinin ikinci turunda bitərəf namizəd Nataşa Pirç Musara rəqib olub.

İkinci yerdə qərarlaşan N. P. Musar 26,9 faiz səs toplayıb, Baş nazir Robert Qolobun dəstəklədiyi deputat Milan Brqlez isə 15,4 faiz səslə mübarizəni dayandırıb.