Bu gün “SJ Logistics” şirkətlər qrupunun prezidenti cənab Jea Yup Ryu-nun rəhbərlik etdiyi nümayəndə heyəti beynəlxalq logistika və daşımalarda potensial əməkdaşlıq sahələrini müzakirə etmək üçün Bakı Limanına səfər edib.
Görüş zamanı, Bakı Limanının Əməliyyatlar departamentinin müdiri Eugene Seah qonaqları liman əməliyyatlarında müasir biznes xidmətləri və qabaqcıl texnologiyalar, eləcə də Asiyan və Avropanı birləşdirən beynəlxalq logistika marşrutlarında Bakı Limanının artan rolu ilə bağlı məlumat verib.
Qeyd edək ki, “SJ Logistics” əsasən Avrasiya, Yaxın Şərq və Afrikada geniş şəkildə fəaliyyət göstərən logistika şirkətlər qrupudur. Bu qrupa daxil olan şirkətlər Avropa, Şimali və Cənubi Amerikada yerləşən logistika şirkətləri ilə sıx əməkdaşlıq edərək kombinə edilmiş nəqliyyat xidmətləri təklif edir.
