![](https://i0.wp.com/arazmedia.az/wp-content/uploads/2022/07/1657776309.1653913019.1651660463_269930242_693826278269156_6107171669078325498_n.jpg?resize=700%2C500&ssl=1)
Bu il Azərbaycanda Polad adı verilən uşaqların sayı açıqlanıb.
Arazmedia.az-ın məlumatına görə, cari ilin əvvəlindən bu günə qədər 105 uşağa Polad adı verilib.
Son illər ölkəmizdə Polad adının uşaqlara verilməsi artıb. Belə ki, 2018-ci ildə 55, 2019-cu ildə 53, 2020-ci ildə 193, 2021-ci ildə isə 306 körpəyə Polad adı verilib.
Polad adı 2020-ci ildə Ermənistan-Azərbaycan dövlət sərhədində başlanmış Tovuz döyüşləri zamanı Azərbaycan Ordusunun general-mayoru Polad Həşimovun şəhid olmasından sonra populyarlaşıb.
Qeyd edək ki, bu gün Milli Qəhrəman Polad Həşimovun şəhid olmasından iki il ötür.