Bu gün səhər saatlarından Ermənistanda aksiya keçirən “Müqavimət” hərəkatının üzvləri İrəvanın mərkəzindəki Baqramyan prospektini yenidən bağlayıblar.
Arazmedia.az “Unikal”a istinadən xəbər verir ki, hadisə yerinə gələn polis nümayişçiləri ərazidən uzaqlaşdırıb, bəzi fəallar isə saxlanılıb.
Saxlanılanlar arasında Ermənistanın ikinci prezidenti, hərbi cani Robert Köçəryanın oğlu Levon Köçəryan da var. O, polis maşınına özü oturacağını deyərək onu itələməməyi və başına toxunmamağı tələb edib. Köçəryan maşına minməzdən əvvəl mübarizənin dayandırılmayacağını bəyan edib.
Qeyd edək ki, “Müqavimət” hərəkatı səhər saat 8-dən bütün paytaxtda dinc itaətsizlik aksiyalarına başlayıb.
