![](https://i0.wp.com/arazmedia.az/wp-content/uploads/2022/05/1652677232.somali_president_060221.jpg?resize=700%2C500&ssl=1)
Somali parlamenti Həsən Şeyx Mahmudu ölkənin yeni prezidenti seçib.
Arazmedia.az xəbər verir ki, bu barədə “Somali Guardian” portalı səsvermənin ilkin nəticələrinə istinadən məlumat yayıb.
Mayın 15-də Somalinin paytaxtında prezident seçkilərinin keçirildiyi hava limanında anqar minaatanlardan atəşə tutulub. Atışma səsvermənin birinci turu başa çatdıqdan dərhal sonra və bülletenlərin hesablanmasından əvvəl baş verib.
2012-2017 illərdə Somalinin prezidenti olmuş Həsən Şeyx Mahmud 2011-ci ildə “İslam demokratiyası” mövqelərinə sadiq qalan Sülh və İnkişaf Partiyasını yaradıb və ona rəhbərlik edib.
O, 2012-ci il sentyabrın 10-da parlamentin iclasında prezident seçilib.
Həsən Şeyx Mahmud 4 il müddətinə Somalinin prezidenti olacaq.