Ötən il 50 minə yaxın Ermənistan vətəndaşı Rusiya pasportu alıb.
Arazmedia.az xəbər verir ki, bu barədə Rusiya Daxili İşlər Nazirliyi (DİN) məlumat yayıb.
Rusiya DİN-in məlumatına görə, 2021-ci ildə 735 min 400 nəfər Rusiya vətəndaşlığını qəbul edib. Vətəndaşlıq alanların yarıdan çoxu Donbas və Luqans sakinləridir.
Qeyd edilib ki, keçən il Rusiya vətəndaşlığı alanlar siyahısında birinci yeri Ukrayna vətəndaşları (376 min nəfər) tutublar. Ötən il, həmçinin 103 min Tacikistan, 49,9 min Qazaxıstan, 46,9 min Ermənistan, 31,9 min Özbəkistan vətəndaşı Rusiya pasportuna sahib olub.
