- Ölkəmizin fasiləsiz elektrik enerjisi ilə təmin edilməsi üçün son illərdə kifayət qədər iri həcmlərdə işlər görülüb. Hətta Azərbaycan elektrik enerjisini idxal eden ölkədən, ixrac edən ölkəyə çevrilib. Bu sahədə görülən işlərə nümunə olaraq “Qobu” enerji layihəsini də göstərmək olar.
“Qobu” Enerji Qovşağı son illər ərzində tikilən ən böyük enerji obyektlərindən biridir. Gücü 750 meqavat olan Yaşma yarımstansiyanın və 385 meqavat gücündə olan “Qobu” Elektrik Stansiyasının istifadəyə verilməsi ölkənin enerji dayanıqlılığına xidmət göstərəcəkdir. Onu da qeyd edim ki, genişmiqyaslı nəhəng layihələrin icrasında ancaq Azərbaycan şirkətləri, mütəxəssisləri və fəhlələri iştirak ediblər.
Bir vaxtlar ölkənin demək olar ki bir çox ərazilərində əhalinin elektrik enerjisi ilə təminatında ağır vəziyyət yaranmışdı. Bu azmış kimi, elektrik enerjisinin istehlakında da böyük itkilər var idi. Bu illər ərzində Azərbaycan elektrik enerjisinə olan tələbi tam ödəyə bilmirdi və illik olaraq 1,7 milyon kv/saat elektrik enerjisi idxal olunurdu. Bu isə ölkəmizin idxaldan aslı bir ölkə olduğunu göstərirdi. Ancaq Prezident İlham Əliyev tərəfindən vaxtında görülən işlər nəticəsində bu gün Azərbaycan elektroenergetika sahəsində ciddi uğurlara imza atıb. Bu gün Azərbaycan dünya miqyasında bütün bu enerji komponentlərinin inkişafına görə qabaqcıl ölkələrdəndir.
Arazmedia.az