Azərbaycan dövləti Prezident İlham Əliyevin rəhbərliyi altında Ulu Öndər Heydər Əliyevin siyasi strategiyasına söykənərək son illərdə çox böyük nailiyyətlər əldə edib. Ölkə iqtisadiyyatı dəfələrlə artıb. Təkcə son 3 ildə – 2018-2021-ci illərdə ölkənin dövlət büdcəsi 7 milyard manat (30 faiz) artıb. Digər makroiqtisadi göstəriciləri təqdim edib vaxtınızı almaq istəməzdim. Bu gün Azərbaycan Şimal-Cənub, Şərq-Qərb marşrutlarının kəsişdiyi böyük loqistik mərkəzə çevrilib. Eləcə də bu gün Azərbaycan regionda böyük qlobal layihələr həyata keçirir və ölkəmizin iştirakı olmadan heç bir layihələr reallaşa bilməz. Region iqtisadiyyatının 85 faizi Azərbaycana məxsusdur. Azərbaycan Avropanın enerji təchizatında çox etibarlı tərəfdaş olaraq mühüm bir ölkəyə çevrilib. Bir sözlə Azərbaycan bu gün dünyanın diqqət mərkəzindədir.
44 günlük Vətən müharibəsində Ali Baş Komandan İlham Əliyevin rəhbərliyi altında Azərbaycan möhtəşəm qələbə əldə etdi. Bu qalibiyyətdən sonra dünyada yeni nizam düzənləndi. Bu, Azərbaycanın siyasi, iqtisadi göstəricilərinin çox az bir hissəsidir. Hesab edirəm ki, ictimai-siyasi proseslərdə daim iştirak edən xalq yazıçısı Sabir Rüstəmxanlı Azərbaycanın bu nailiyyətlərindən xəbərdardır. İnanıram ki, o, bir xalq yazıçısı olaraq bu uğurlarımıza sevinir. Çox gözəl olar ki, bu nailiyyətlərimizi çıxışlarında dilə gətirsin, bununla bağlı sevincini xalqı ilə də bölüşsün. O, sözün əsl mənasında Azərbaycanın xalq şairidir. Eləcə də Azərbaycanın digər nailiyyətləri sırasında dövlət quruculuğu institutlarının formalaşmasıdır ki, bunların arasında Parlamentin xüsusi yeri var. Azərbaycan Parlamenti demokratik prinsiplər əsasında yenidən formalaşıb. Parlamentin rəhbərinin fəaliyyəti bu gün Azərbaycan vətəndaşlarının məmnunluq hissi yaradıb. Sahibə Qafarovanın rəhbərliyi ilə Azərbaycan Parlamentinin xarici səfərlərdəki diplomatik nailiyyətləri hər birimiz üşün bir örnəkdir. Hesab edirəm ki, çox hörmətli Sabir müəllim xalq yazıçısı olaraq bizim bu qələbəmizə də ürəkdən sevinir. Bu sevincini dilə gətirməsi də çox gözəl olar.
AYDIN HÜSEYNOV
Milli Məclisin deputatı