“Təsdiqlənməmiş məlumatlara görə, Ermənistan tərəfinin 15 itkisi var”.
Arazmedia.az erməni mətbuatına istinadən xəbər verir ki, bu barədə Ermənistan Parlamentinin Xarici İşlər Komitəsinin sədri Eduard Ağacanyan Azərbaycan-Ermənistan sərhədində baş verən döyüşlərdə özlərinin itkisi barədə danışarkən məlumat verib.
Qeyd edək ki, ötən gün səhər saatlarından başlayaraq Ermənistan silahlı qüvvələrinin bölmələri dövlət sərhədinin Kəlbəcər və Laçın rayonları sahəsində ölkəmizə qarşı genişmiqyaslı təxribat törədib. Axşam saatlarında isə Rusiyanın vasitəçiliyi ilə Azərbaycan və Ermənistan arasında atəşkəs elan olunub, vəziyyət normallaşıb.