Goranboyda bir ailənin 3 üzvü dəm qazından zəhərlənib.
Arazmedia.az-ın məlumatına görə, hadisə Qarasüleymanlı kəndində baş verib.
Belə ki ata, ana və övladı – 1994 cü il təvəllüdlü Yəhyayeva Nurcan Çapay qızı, 2014-cü il təvəllüdlü Yəhyayev Elcan Misir oğlu və 1989 cü il təvəllüdlü Yəhyayev Misir Bəhruz oğlu kənddə yaşadıqları evdə dəm qazından zəhərlənərək xəstəxanaya çatdırılıb.
Qeyd edək ki, təxminən eyni saatlarda rayonun daha bir kəndində oxşar hadisə baş verib. 1990-cü il təvəllüdlü Qarbucaq kənd sakini İbrahimova Lamiyə Şamil qızı da dəm qazından zəhərlənərək xəstəxanaya yerləşdirilib Faktla bağlı araşdırma aparılır.