![](https://i0.wp.com/arazmedia.az/wp-content/uploads/2021/11/image_2021-11-05_191645.png?resize=620%2C440&ssl=1)
Bakıda keçirilən cüdo üzrə “Böyük Dəbilqə” yarışında Azərbaycan ilk qızıl medalını qazanıb.
Arazmedia.az xəbər verir ki, Orxan Səfərov (-66 kq) Denis Vyeruya (Moldova) ipponla qalib gələrək qızıl medala sahib çıxıb. Bu onun “Böyük Dəbilqə” yarışlarında üçüncü qızıl medalıdır.
Həmçinin Rövşən Əliyev (-60 kq) Sumiyabazar Enktaivana (Monqolustan) qalib gələrək bürünc medal əldə edib.
Qeyd edək ki, bu gün Azərbaycanın monqol əsilli cüdoçusu İçinxorloo Munxtsedev (-52 kq) final görüşünə çıxacaq.