DÖVLƏTÇİLİYƏ SADİQ OLAQ!
Jurnalist Fariz Quliyevin Moldova mətbuatında məqaləsi dərc edilib:məqaləni oxu...

Cəmiyyət

ADU inşa müsabiqəsi elan edir

1 dəqiqəyə oxunur

Azərbaycan Dillər Universitetinin (ADU) nəzdində fəaliyyət göstərən Konfutsi İnstitutu tələbələri və Çin dili kurslarının dinləyicilərini “Çin Arzusu Günü” bayramına həsr olunmuş “Çin Arzusu və Dünya” mövzusunda inşa müsabiqəsində iştirak etməyə dəvət edir.

Universitetdən  verilən məlumata görə, müsabiqəyə Azərbaycan, Çin, ingilis və rus dillərində yazılmış fərdi inşalar qəbul edilir. İnşalar ədəbi-bədii məziyyətinə və orijinallığına görə qiymətləndiriləcək. Çin dilində inşalar qiymətləndirilərkən dil biliyinin səviyyəsi də nəzərə alınacaq. Müsabiqə iştirakçılarının işləri 20 noyabr 2021-ci il tarixinədək [email protected] elektron poçt ünvanında qəbul edilir. Müsabiqənin qalibləri üç dərəcə üzrə diplom və qiymətli hədiyyələrlə mükafatlandırılacaq.

Konfutsi İnstitutunun direktoru Rafiq Abbasov qeyd edib ki, elan edilən müsabiqənin məqsədi tələbələrin elmi-tədqiqat potensialını inkişaf etdirmək və müasir Çinin ictimai-siyasi həyatına marağı dəstəkləməkdir. “Çin Arzusu” sosial-siyasi kursunun əsas məqsədləri Çinin zəngin, qüdrətli, demokratik, sivilizasiyalı və sosialist dövlətə çevrilməsi, Çin millətinin dirçəldilməsi və xalq üçün xoşbəxt həyat, orta rifah cəmiyyətinin yaradılmasını, Azərbaycanın strateji nəqliyyat və iqtisadi qovşaq olduğu İpək Yolu İqtisadi Kəmərində ticarət əlaqələrinin genişləndirilməsidir.