DÖVLƏTÇİLİYƏ SADİQ OLAQ!
Jurnalist Fariz Quliyevin Moldova mətbuatında məqaləsi dərc edilib:məqaləni oxu...

Cəmiyyət

Qaradağda Vətən Müharibəsinə həsr olunmuş tədbir keçirildi – FOTOLAR

2 dəqiqəyə oxunur

Bu gün Qaradağ rayonu, Lökbatan qəsəbəsindəki Heydər Əliyev Mərkəzində Vətən Müharibəsinin birinci ildönümünə həsr olunmuş tədbir keçirilib.

Arazmedia.az xəbər verir ki, tədbirdən öncə Ulu Öndərin abidəsi önünə gülqoyma mərasimi keçirilib. 

Tədbirdə Qaradağ Rayon İcra Hakimiyyətinin başçısı Süleyman Mikayılov, Qaradağ Rayon İcra Hakimiyyəti Başçısı yanında Şuranın üzvləri, Milli Məclisin deputatı Səbinə Xasayeva, İcra Hakimiyyətinin səlahiyyətli nümayəndələri, Şəhid ailələri, qazilər,  YAP Qaradağ rayon təşkilatının, Səfərbərlik və Hərbi Xidmətə Çağırış üzrə Dövlət Xidmətinin Qaradağ rayon idarəsinin və rayon ictimaiyyətinin nümayəndələri iştirak ediblər. 

Tədbir Heydər Əliyev Mərkəzinin foyesində “Keçən günlər müqəddəs bir xatirədir” adlı 44 günlük Vətən Müharibəsi şəhidlərinin mülki həyatda olan fotolarından ibarət sərgiyə baxışla keçirilib. Sonra qonaqlar zala daxil olublar. Dövlət himni səslənəndən sonra Şəhidlərin xatirəsi bir dəqiqəlik sükütla yad edilib. 

Daha sonra 44 günlük Vətən Müharibəsinin şəhidlərinin əziz xatirəsinə həsr olunmuş “Qaradağdan Qarabağa” adlı videorolik nümayiş olunub.  Qaradağ Rayon İcra Hakimiyyətinin başçısı Süleyman Mikayılov tədbirdə çıxış edib. Çıxışında 44 günlük Vətən Müharibəsində Müzəffər Ali Baş Komandanın rəhbərliyi ilə rəşadətli ordumuzun qələbələrindən, işğal olunmuş torpaqların azad olunmasından söhbət açıb.

Şəhidlərimizin və qazilərimizin canı, qanı bahasına torpaqlarımızın işğaldan azad olunmasını vurğulayıb. Yekunda şəhid ailələrinin və qazilərin daim diqqət mərkəzində olduğunu bildirərək, şəhidlərimizə Allahdan rəhmət, qazilərimizə şəfa diləyib. 

Daha sonra tədbirdə iştirak edən qonaqlar Milli Məclisin deputatı Səbinə Xasayeva, Səfərbərlik və Hərbi Xidmətə Çağırış üzrə Dövlət Xidmətinin Qaradağ rayon idarəsinin rəisi, polkovnik Vüqar Seyidov, YAP Qaradağ rayon təşkilatının sədri Qafar Əliyev, Şəhid Musaoğlu Ataməli Seyidməmməd oğlunun anası Leyla Musayeva çıxış ediblər. 

Sonra tədbir konsert proqramı ilə davam etdi. Zəfər gününə həsr olunmuş “Qarabağ şikəstəsi” ifa olundu, məktəblilər şeirlər səsləndiriblər. 

Tədbir vətənpərvərlik musiqisinin sədaları altında yekunlaşıb.