Kiprdə “Omoniya” və “Qarabağ” komandaları arasında UEFA Konfrans Liqasının qrup oyunu sona çatıb.
Arazmedia.az xəbər verir ki, Nikosiyadakı GSP stadionunda keçirilən qarşılaşmada Ağdam klubu rəqibini 4:1 hesabı ilə məğlub edib.
Qolları “Qarabağ” tərəfindən Kadi Borges (52-ci dəqidə;90+4), Ramil Şeydayev (73), Maksim Medvedev (79), “Omoniya”dan isə Yan Letsayks (40) vurublar.
Görüşü şotlandiyalı FIFA referisi Bobbi Madden idarə edib.
Xallarını 4-ə çatdıran “Qarabağ” İsveçrə “Bazel” ilə birlikdə 1-2-ci yerləri bölüşdürür. Xatırladaq ki, H qrupunun digər matçında “Bazel” evdə Qazaxıstan “Kayrat”ını 4:2 hesabı ilə məğlub edib.