Qarabağ! Azərbaycanımın dilbər guşəsi, musiqi beşiyi. Üzeyir, Cabbar, Xan vətəni, istedadlar diyarı!
Bu səfalı torpaq xalqına Bülbül, Müslüm Maqomayev, Fikrət Əmirov, Xan Şuşinski, Sara Qədimova, Tükəzban Ismayılova, Qədir Rüstəmov kimi ustad sənətkarlar, şairə Nətavan vermişdir. Qarabağda dünyaya gələn hər kəsin mayası ana südü kimi musiqidən yoğrulmuşdur. Qarabağın təbiəti də bir musiqidir, ahəng tutub gözəlliyə meydan oxuyub, füsunkarlığı ilə ürəkləri fəth edir.
Əsrlər boyu Qarabağ Azərbaycanın ayrılmaz tərkib hissəsi olmuşdur. Bu gözəl və qədim torpaqda insanlar mehribancasına yaşamış, qurub yaratmışlar. Dağlıq Qarabağ Vilayətində qırxdan artıq millət yaşamışdır. Bəlkə də bizim zəifliyimiz bu olmuşdur. Qoynumuzda ilan bəsləmiş, erməni adlanan o mənfur insanlara qucağımızda yer açmışıq.
Sovet hakimiyyətinin qurulduğu zamanlarda Zaqafqaziyada ermənilər Azərbaycanın qədim ərazilərinin bir hissəsini qəsb etməyə Ermənistana birləşdirməyə nail oldular. Dişi şirəyə batan millətçi ermənilər bundan sonra Dağlıq Qarabağı da Ermənistana birləşdirməyi qarşılarına məqsəd qoyaraq Azərbaycan xalqına qarşı hücuma başladılar.
Elə o andan da Qarabağımızın qara günləri başladı. Qeyrətli Vətən oğulları bu savaşda canlarından keçərək Vətəni müdafiəyə qalxdılar. Çoxlu qəhrəman oğul və qızlarımızı şəhid verdik. 1992-ci ildən başlayan bu müharibə fasilələrlə 1994-cü ilə qədər davan etmişdir və nəhayət 1994-cü ildə ulu öndər, siyasi xadim, müasir dövlətçiliyimizin banisi Heydər Əliyevin imzaladığı “Atəşkəs”nəticəsində nisbi sakitliyə nail olundu. Lakin mənfur düşmən bununla belə dayanmır, tez-tez təmas xəttini pozurdu. Buna baxmayaraq onlar bu illər Azərbaycan xalqının iradəsini, əzmini qıra bilmədilər.
Başda Ölkə başçımız İlham Əliyevin 17 il ərzinde həyata keçirdiyi güclü iqtisadi, siyasi planlar nəticəsində bugün artiq 30 illik həsretə son qoyuldu. Burda ordu quruculuğuna ayrılan xüsusi diqqəti isə danmaq olmaz.
Vətən Müharibəsində Ali Baş Komandanımız, Prezidentimiz İlham Əliyev cənablarının “İRƏLİ!” əmrilə Güclü Ordumuzun rəşadətli əsgər və zabitlərimizin şücaəti ilə 30 illik həsrətə son qoyuldu. 30 ildə Qarabağ sözü qəlblərdə yaranmış ağrıya, nisgilə, göz yaşlarına son qoyuldu.
44 gün davam edən müharibə nəticəsində varlı-kasıb demədən hərkəs,”Dəmir Yumruq” altında birləşdilər.
Artıq Azərbaycan xalqı və müstəqil dövlətimiz müasir tarixinin ən şanlı, qürur və fəxarət dolu günlərini yaşayır. 30 ilə yaxın sürən yurd, torpaq həsrətinə son qoyan zəfər soraqlı günlər bizi Azərbaycan Respublikasının torpaq bütünlüyünün təmin ediləcəyi, işğal altındakı bütün əraziləri üzərində suverenliyinin bərqərar olunacağı o böyük günə qovuşdurdu.
Könül Əliyeva,
Salyan rayon Qarabağlı-1 saylı kənd tam orta məktəbin müəllimi