Şəhid ailələri ilə bağlı xüsusi layihə hazırlanıb – Komitə sədri

Ailə, Qadın, Uşaq Problemləri üzrə Dövlət Komitəsi şəhid ailələri ilə bağlı xüsusi layihə hazırlayıb.

Arazmedia.az-ın məlumatına görə, bunu jurnalistlərə açıqlamasında komitə sədri Bahar Muradova deyib. O bildirib ki, artıq layihələrin bəzilərinin icrasına başlanılıb:

“Şəhid ailələri, şəhid anaları və şəhid xanımları ilə bağlı layihələrimiz var. Nəzərdə tutulan layihələrin bir qismi fəal şəkildə həyata keçirilir bir qismi də qarşıda dayanır. Komitə və onun yerli qurumlari bu məsələdə əlindən gələni edir. Son illər komitənin bütün ailələrin problemlərinə dəstək olmaq kimi bir vəzifəsi vardır. Burda təkcə şəhid ailələri və həssas qrupa aid olan insanlar deyil, bütün xalqımızın insanlarının üzləşdiyi çətinliklər zamanı yardım göstərməyə çalışırıq.”