Arazmedia.az xəbər verir ki, “Son günlər Ələt qəsəbəsində zibil qablarının və zibil tullantılarının baxmısız vəziyyətdə olması ilə bağlı qısa paylaşımlar etdik”.
Fikir versək, nəzər salsaq, biz müdaxilə edəndən sonra, dərhal aid qurumlar hərəkətə keçdi. Ələt qəsəbəsində bir neçə “JEK”, qəsəbə icra nümayəndəliyi ola-ola bəs görəsən, nə üçün sözügedən qurumlar vaxtı-vaxtında zibil tullantılarını təmizləmək istəmir? “JEK” rəislərinin hamısı bahalı avtomobil sürür, yaşam səviyyəsi yüksəkdir, lüks şəraitdə yaşayırlar.
Kiçik bir qəsəbə üzrə isə, zibil tullantıları vaxtı-vaxtında təmizlənmir səbəbi bilmək bizim üçün də maraqlı olardı.
Qaradağ rayon İcra Hakimiyyətinə və Qaradağ rayon kommunal idarəsinə belə bir sual vermək istəyirəm.
Qaradağ rayonunda, Lökbatan qəsəbəsində zibil tullantıları üçün ayrılmış xüsusi avtomobillər var və zibil tullantıları həmin xüsusi avtomobillərə yığılır özü də çox rahat şəkildə.
Ələt kimi böyük nüfuza malik olan bir qəsəbədə nə üçün fəhlələr təmizləyir, zibil tullantılarını? Bakı Şəhər İcra Hakimiyyətinin və yaxud Qaradağ rayon İcra Hakimiyyətinin bir xüsusi zibil təmizləyən avtomobili yoxdur yəni bu qəsəbəyə ayırmağa?
Koronavirusun tüğyan etdiyi bir vaxtda Ələt qəsəbəsində komunalın fəhlələrini məcbur edirlər ki, əlinizlə, bellə və yaba ilə olsa belə, zibil tullantılarını təmizləyin.
Maraqlıdır,görəsən “JEK” rəisləri, onların yaxınları, özünə layiq bilər xəstəliyin tüğyan etdiyi vaxtda zibil tullantılarını özləri təmizləsin? Bu sualın bir cavabı var, əlbəttə yox.
Fikrimcə dövlət qurumları, yuxarı dairələr məsələni dərhal nəzarətə götürməli və Ələt qəsəbəsində böyük əraziyə sahib olan zibil tullantılarının əl ilə xüsusi əşyalar ilə nə üçün təmizlənməsini araşdırılmalıdır.
Məsələ araşdırılmayacağı halda sözügedən vəziyyətlə bağlı görüntüləri paylaşacağıq.