“Azərbaycanda yeni növ koronavirus (COVID-19) infeksiyasına qarşı 4 vaksin tətbiq olunur. Vaksin seçimi vətəndaşlar tərəfindən edilə bilər”.
Arazmedia.az xəbər verir ki, bunu Nazirlər Kabineti yanında Operativ Qərargahın bu gün keçirilən brifinqində Azərbaycan Prezidentinin köməkçisi-Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.
Prezidentin köməkçisinin sözlərinə görə, bu gün ölkənin kifayət qədər vaksin ehtiyatı var ki, bu ilin sonuna kimi kifayət edəcək.
“Bu gün növbəti il üçün vaksinlərin ölkəyə gətirilməsi üçün danışıqlar aparılır”, – deyə Ş. Mövsümov vurğulayıb.