Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə 2009-cu ildən keçirilən və ötən dövr ərzində dünya musiqi xəritəsində özünəməxsus yer tutan Qəbələ Musiqi Festivalı bu il yenidən Qəbələ sakinlərinin və şəhərimizin qonaqlarının görüşünə gələrək musiqisevərlərin sevincinə səbəb olacaq.
Arazmedia.az-ın məlumatına görə Heydər Əliyev Fondunun təşkilatçılığı və dəstəyi, həmçinin Azərbaycan Respublikasının Təhsil və Mədəniyyət nazirliklərinin, Bakı Musiqi Akademiyasının və “Gilan Holdinq”in dəstəyi ilə XII dəfə baş tutacaq Qəbələ Musiqi Festivalı 31 iyul – 04 avqust 2021-ci il tarixlərində başlayır.
