Qəbələ Dövlət Peşə Təhsil Mərkəzində bu layihə çərçivəsində dəyirmi masa keçirilib

Qəbələ Dövlət Peşə Təhsil Mərkəzində Birləşmiş Millətlər Təşkilatının İnkişaf Proqramı (BMTİP) tərəfindən həyata keçirilən “Gələcək üçün Peşə Təhsili və Təlimi: Azərbaycanda PTT Mərkəzlərinin inkişafı” layihəsi çərçivəsində İşəgötürənlərlə dəyirmi masa təşkil edilib.

Arazmedia.az xəbər verir ki, Qəbələ Dövlət Peşə Təhsil Mərkəzinin tərəfdaşı olduğu 30-dək biznes müəssisəsi iştirak edib.

Qəbələ Dövlət Peşə Təhsil Mərkəzi ilə biznes müəssisələri arasında uğurlu əməkdaşlıq, gələcək perspektivlər, Peşəyə olan marağın artırılması üçün işəgötürənlərin təklifləri, Peşə Təhsili müəssisələri ilə əməkdaşlıq imkanları, tələbələrin təcrübə proqramları, İşyerində öyrənmə konseptinin müzakirəsi, hər hansı birgə biznes imkanı, Karyera Mərkəzinin yaradılması və bu üzrə işəgötürənlərlə əməkdaşlıq istiqamətləri üzrə fikir mübadiləsi aparılıb.