Ermənistanda seçkiqabağı təşviqat kampaniyası zamanı yol verilən qanun pozuntuları ilə bağlı 200-dən çox məlumat daxil olub.
Arazmedia.Az yerli KİV-ə istinadən bildirir ki, bu barədə Ermənistanın Baş Prokurorluğu məlumat yayıb.
Bunlardan 123-ü mətbuatda yayımlanan materiallara aid olub. 91 şikayət seçicilərdən, ikisi isə ombudsman aparatından daxil olub.
Seçicilərin ələ alınması ilə bağlı 155, seçki hüquqlarının həyata keçirilməsinə maneə ilə bağlı 59, təşviqatda iştirak etmək üçün maneə və ya məcburetmə ilə bağlı 64 şikayət edilib.
65 məlumat üzrə cinayət işinin açılması üzrə materiallar toplanır, 26 cinayət işi isə artıq başladılıb. 14 vətəndaş barəsində seçki pozuntularına yol verilməsi ilə bağlı ittiham irəli sürülüb.