Bəşəriyyəti böyük riskli, ağır təhlükələrdən qoruyan fədakar həkimlər, loğmanlar olub hər zaman. Onlar bu yolda ən çətin sınaqlardan keçməkdən, hətta ölməkdən belə qorxmayıblar. İnsanlar yoluxucu xəstəliklərə düçar olanda, cəsarətli həkimlər qorxunu bir kənara atıb, 24 saat iş başında olurlar.Belə fədakar, qorxmaz, savadlı, gözəl qəlbli həkimlərdən biri də, Sabunçu Tibb Mərkəzinin Nevrologiya şöbəsinin həkim-nevroloqu Nigar Əhmədovadır. Dünyanı Covid19 bəlası, pandemiya bürüyəndə də, elə indinin özündə də Hippokrat andına sadiq qalaraq, əlindən gələni mütləq qaydada həyata keçirir ki, vətəndaşlarımız və xarici millətlərin Azərbaycandakı nümayəndələri xəstəliyə yenilib, ölməsinlər və ya müxtəlif fəsadlar almasınlar. Gəlin, bu həkim-nevroloqun gərgin iş saatlarına yaxından bir nəzər yetirək.Həkim xanım saat 9-da nevroloji şöbəyə daxil olur. Xalatını geyinərək, xəstələrinə palatalarında bir-bir baş çəkir. Onların səhhəti ilə yaxından diqqətlə maraqlanır, eyni zamanda başqa həmkarlarının xəstələri ilə də həmsöhbət olur, onlara müvafiq məsləhətlərini verir.Bu görüşdən xəstələr o qədər razı qalırlar ki. Elə ruhlanırlar ki, bunu sözlə təsvir etməkdə qələm “əziyyət” çəkir. Bunu yaşamadan, reallığı görmədən təsəvvür etmək mümkün deyil. Axı, normalda bəzən insanları o qədər aldadırlar ki, onlarda elə yanlış təsəvvür formalaşdırırlar ki, məsələn, bəziləri hələ də dövlətin və hakimiyyətin səhiyyə sahəsindəki uğurlu islahatlarından, atılan addımlarından xəbərsizdir. Onlara elə gəlir ki, yalnız “seçilmiş” adamları bahalı aparatlarda müayinələrdən keçirir, ən müalicəvi sanatoriyalara göndərirlər. Halbuki bu fikir tamam kökündən yanlışdır. Görünən isə tam başqa bir mənzərədir. Prezident İlham Əliyev vətəndaşların sağlamlığına xüsusi önəm verir. Bu yöndə xüsusi sərəncamlar imzalayır, mühüm tapşırıqlar verir. Onun bu xeyirxah və nəcib missiyasını Nigar xanım kimi savadlı, mətin həkimlər xalqa aşılayır, cəmiyyət arasında ölkə başçısına adekvat imic formalaşdırırlar. Nigar xanım kimi onun şöbə müdiri Esmira Əliyeva da bu yöndə yorulmadan çalışır, əlindən gələni əsirgəmir. O, da yorulmadan səhiyyənin inkişafına xidmət göstərir. Bu danılmaz faktdır ki, bu gün ən imkansız ailələr belə, Azərbaycan səhiyyəsindən ən yüksək səviyyədə yararlanırlar. Bu imkanları xalqa, məhz prezident cənab İlham Əliyev şəxsən yaradır. Yaşasın Ulu Öndərin şah əsəri olan Yeni Azərbaycanın İşıqlı Səhiyyəsi!
Fariz Quliyev.
Araz Media
MMC-nin təsisçisi, jurnalist